कार्यालयात उपस्थित नसणाऱ्या दोन अधिकारी व एकोणीस कर्मचाऱ्यांचा अर्धा दिवसाचा पगार कपात*

*कार्यालयात उपस्थित नसणाऱ्या दोन अधिकारी व एकोणीस कर्मचाऱ्यांचा अर्धा दिवसाचा पगार कपात*

कोल्हापूर, दि. 26 : महापालिकेत आज सकाळी प्रशासक के. मंजूलक्ष्मी यांनी 10.30 वाजता मुख्य इमारतीतील विविध विभागांची अचानक पाहणी करून तपासणी केली. यावेळी मुख्य लेखापाल कार्यालय, मुख्य लेखाधिकारी कार्यालय, मुख्य लेखापरीक्षक कार्यालय, रेकॉर्ड विभाग, नगरसचिव विभाग तसेच शहर अभियंता कार्यालयाची तपासणी करताना अनेक कर्मचारी जागेवर हजर नसल्याचे आढळून आले.

या तपासणी दरम्यान शहर अभियंता रमेश मस्कर व वित्त अधिकारी राजश्री पाटील हे कार्यालयात उपस्थित नसल्याचे निदर्शनास आले. तर मुख्य लेखापरीक्षक कलावती मिसाळ व नगरसचिव सुनील बिद्रे इतर विभागात उपस्थित होते. तसेच विविध विभागांतील एकूण 19 कर्मचारी तपासणीच्या वेळेस अनुपस्थित होते. उपस्थितीबाबत झालेल्या या निष्काळजीपणाची गंभीर नोंद घेत प्रशासकांनी संबंधित दोन्ही अधिकारी आणि अनुपस्थित 19 कर्मचाऱ्यांचा अर्धा दिवसाचा पगार कपात करण्याचे आदेश तात्काळ दिले.
या तपासणीदरम्यान अतिरिक्त आयुक्त शिल्पा दरेकर व सिस्टीम मॅनेजर यशपाल राजपूत उपस्थित होते.
00000000