ऑल इंडिया श्री शिवाजी मेमोरिअल सोसायटीच्या इन्स्टिट्यूट ऑफ इन्फोरमेशन टेक्नॉलॉजी महाविद्यालयात नवोपक्रमाचे
प्रदर्शन आणि शाश्वत विकासाला प्रोत्साहन देणारी राष्ट्रीय पातळीवरील प्रकल्प स्पर्धा आयोजित केली.
ऑल इंडिया श्री शिवाजी मेमोरिअल सोसायटीच्या इन्स्टिट्यूट ऑफ इन्फोरमेशन टेक्नॉलॉजी महाविद्यालयात प्रथम वर्ष
अभियांत्रिकी विद्यार्थ्यांसाठी “राष्ट्रीय स्तरावरील प्रकल्प स्पर्धा व पारितोषिक वितरण समारंभ” दिनांक १२/०५/२०२६ रोजी
सकाळी १०:३० वाजता आयोजित करण्यात आला होता. महाविद्यालयात प्रकल्प स्पर्धा आणि पारितोषिक वितरण समारंभ
कार्यक्रम ऑनलाइन आणि ऑफलाइन दोन्ही प्रकारे आयोजित करण्यात आला होता. एकूण 172 प्रकल्प आणि विविध
राज्यांतील 860 विद्यार्थ्यांनी राष्ट्रीय स्तरावरील प्रकल्प स्पर्धांमध्ये भाग घेतला. या कार्यक्रमाचे उद्घाटन डॉ. पी. बी. माने,
प्राचार्य, एआयएसएसएमएस आयओआयटी यांच्या हस्ते झाले. पुरस्कार वितरण समारंभासाठी प्रमुख पाहुणे, श्री. संतोष
देविदास खवळे ,धेनू टेक सोल्यूशन्स प्रायव्हेट लिमिटेड कंपनीचे प्रमुख संस्थापक आणि संचालक , पुणे, तसेच श्री. शेखर
श्रीवास्तव, जे 'डेसीकोलब' (Desicolab) चे प्रोग्राम मॅनेजर उपस्थित होते. श्री. खवळे यांनी अभियांत्रिकीच्या भविष्याबद्दल
आणि समकालीन आव्हाने सोडवण्यात आर्टिफिशियल इंटेलिजेंस, सायबर सुरक्षा आणि इंटरनेट ऑफ थिंग्ज यासारख्या
उदयोन्मुख तंत्रज्ञानाच्या महत्त्वपूर्ण भूमिकेबद्दल प्रेरणादायी अंतर्दृष्टी सामायिक केली. तरुणांना संबोधित करताना श्री. खवळे
म्हणाले, स्थानिक गरजा आणि राष्ट्रीय प्राधान्यक्रमांवर आधारित प्रभावी उपायांवर विद्यार्थी काम करत आहेत हे पाहून आनंद
होतो. नवोपक्रम आणि उद्देश यांचे मिश्रण तंत्रज्ञान आणि शाश्वत विकासात भारताचे भविष्य घडवेल. तसेच श्री. शेखर
श्रीवास्तव यांनी स्टार्टअपच्या प्रारंभिक टप्प्यात उद्योजकांना येणाऱ्या अडचणींबाबत मार्गदर्शन केले आणि जिद्द व कठोर परिश्रम
यांच्या साहाय्याने त्या अडचणींवर कशी मात करता येते हे स्पष्ट केले. त्यांनी विद्यार्थ्यांना आधुनिक तंत्रज्ञान आणि नवकल्पनांचा
उपयोग करून प्रत्यक्ष जीवनातील समस्यांसाठी उपाय निर्माण करण्यासाठी प्रेरित केले.
माननीय सचिव श्री. मालोजीराजे छत्रपती यांच्या प्रेरणेने असा एक प्रेरणादायी कार्यक्रम आयोजित करण्यात आला होता. हा
कार्यक्रम प्राचार्य डॉ. पी. बी. माने आणि विभागप्रमुख डॉ. एम. पी. गIजरे यांच्या मार्गदर्शनाखाली यशस्वीरित्या पार पडला. हा
कार्यक्रम प्रथम वर्षाच्या विभागाने आयोजित केला होता. या कार्यक्रमाचे समन्वय श्री एन. डी. गायकवाड आणि श्री. अमोल
मोरे यांनी केले.
